Траење
До 90 дена
Работа во период од 12 месеци, во официјалниот распуст
Возраст
18–35 год.
Редовни студенти
Плата
од 14,60 €/час
Законски минимум бруто од 01.01.2027; може да важи повисока тарифна стапка
за кого е програмата
Кој може да аплицира?
Програмата е наменета за редовни студенти на возраст 18–35 години, запишани на соодветна акредитирана високообразовна установа надвор од Германија, кои имаат познавање на германски јазик или разговорно ниво на англиски јазик според барањата на позицијата.
Работата е во официјалниот распуст на вашиот факултет, до 90 дена во период од 12 месеци и во рамките на потврдата од BA/ZAV (Bestätigung der Ferienbeschäftigung). Периодот зависи од распустот — најчесто студентите започнуваат од средината на јуни или почетокот на јули.
Престојот се проверува одделно. Правилото 90/180 за краткорочен престој во Шенген зоната е посебно правило за престој и не е исто со ограничувањето за работа од 90 дена во 12 месеци.
заработувачка
Колку можете да заработите?
Од 01.01.2027 законската минимална плата во Германија изнесува 14,60 € бруто на час (за работа во 2026 минимумот е 13,90 €). Конкретната плата зависи од позицијата и применливите услови; може да важи повисока тарифна стапка.
Информативен пример за заработка — 14,60 €/час бруто
Пример за еден месец според реално платени часови
140 платени часа
2.044,00 €
160 платени часа
2.336,00 €
176 платени часа
2.569,60 €
Износите се бруто и не вклучуваат додатоци. Бројот на часови и додатоците се утврдуваат според договорот и одработеното време. Примерите не се гаранција за часови, нето плата или заштеда. Данокот, придонесите и личните трошоци зависат од конкретниот случај.
Даноци и придонеси: При исполнети услови за краткорочно вработување не се плаќаат редовните германски придонеси за здравствено, пензиско, долготрајна нега и невработеност. Даночната пресметка се утврдува индивидуално; не ветуваме фиксен поврат на данок.
Здравствено осигурување: Полисата за здравствено осигурување се обезбедува со помош на Контекст пред патувањето и го покрива целиот работен престој.
Лични трошоци (според конкретната понуда):
• Сместување
• Превоз до Германија и назад
• Осигурување
• Санитарна потврда (за работа во ресторани и со храна)
• Евентуален судски превод на потврдата за редовен студент
Посредувањето е бесплатно за студентот. Надоместокот за услугата на Контекст го плаќа работодавачот.
работни позиции
Најчести работни позиции
Кафетерии и ресторани за брза храна
Чистење (Gebäudereinigung)
сместување
Сместување во Германија
Контекст помага со насоки и контакти; студентот самостојно го резервира и плаќа сместувањето. Контекст не е туристичка агенција и не врши услуга на сместување.
Конкретно, тоа значи:
- Добивате упатства како самостојно да барате сместување
- Добивате контакти до сместувачки капацитети каде веќе сме имале студенти — без обврска да се сместите токму таму
- Кога ќе најдете опција, можете да ни ја испратите за проверка пред да ја прифатите
Прикажаните околу 15–20 € дневно и евентуален депозит се ориентациони и зависат од понудата.
процес
Како функционира?
1
Аплицираш онлајн
Пополнуваш кратка апликација на сајтот. Пријавите за лето 2027 се отвораат на 01.11.2026.
2
Контекст те контактира
Тимот на Контекст ќе ја разгледа пријавата и ќе ве контактира за следните чекори — условите, периодот и достапните позиции.
3
Детална апликација и CV
Ако одговараш за програмата, добиваш линк до детална апликација и помош при подготовка на CV.
4
Документи и договор
По првичниот разговор со тимот, документите ги прикачувате во вашиот личен кандидатски профил, според упатствата на Контекст. Изјавата за лични податоци и договорот за посредување ги добивате по е-пошта.
5
Работодавач, потврда од BA/ZAV и заминување
Почнува процес на пласирање кај работодавач. Доколку ја прифатиш понудата, работодавачот ја бара потврдата Bestätigung der Ferienbeschäftigung од BA/ZAV. Работата започнува дури по потребната потврда — таа не се издава ретроактивно. Времето на обработка зависи од институциите и не е гарантиран рок. Пред заминување се проверуваат договорот, дозволениот период за работа и правото на престој; потоа се резервира сместување и се организира патувањето.
документација
Потребна документација
1
Копија од пасош
Важечки пасош — скенирана копија на главната страна.
2
CV на германски или англиски јазик
Доколку немате готово CV, можете да го генерирате преку нашата апликација.
→ Генерирај CV
3
Потврда за редовен студент
На англиски или германски јазик, целосно печатена, без рачно пополнувани податоци. Ова е одделен документ од формуларот под точка 4. Факултетот треба да биде признат — проверете го во базата
anabin.
Имиња според пасошот: Името и презимето во пријавата и документите треба да се совпаѓаат со пасошот. Ако на потврдата од факултет има дополнителен податок или разлика, Контекст ќе ве упати дали е потребно појаснување или исправка. Тоа само по себе не значи автоматско одбивање.
Доколку факултетот не издава потврда на англиски или германски јазик, обратете ни се за контакт со преведувач или самите однесете ја кај судски преведувач.
4
Формулар Erklärung zur Immatrikulationsbescheinigung
Се пополнува индивидуално и се заверува на факултет во 2 примерока. Достапни се германска и англиска верзија. Секој примерок е целиот двостраничен образец во избраната јазична верзија.
→ Преземи на германски (PDF)
→ Преземи на англиски (PDF)
5
Договор за посредување и изјави за лични податоци
Ги добивате на е-маил по пополнувањето на апликацијата.
Заштита на лични податоци
Сите документи и лични податоци кои ги доставувате во рамки на апликацијата се обработуваат, архивираат и уништуваат во согласност со Законот за заштита на лични податоци на Република Северна Македонија.
прашања
Често поставувани прашања
Кога почнува и до кога трае програмата?
Работата е во официјалниот распуст на вашиот факултет, до 90 дена во период од 12 месеци и во рамките на потврдата од BA/ZAV. Најчесто студентите почнуваат од средината на јуни или почетокот на јули. Пријавите за лето 2027 се отвораат на 01.11.2026; потоа пријавувањето трае до пополнување на местата.
Дали треба да знам германски јазик?
Јазикот е еден од клучните услови. Зависно од позицијата:
Сервис и директен контакт со гости — потребно B1/B2 ниво на германски.
Останати позиции — пожелно A2 ниво на германски. A2 е повисоко почетничко ниво и може да се постигне со редовно учење преку апликации или курс.
Англиски — ако германскиот е послаб, англискиот мора да биде одличен.
Не примаме студенти кои немаат познавања ни од еден од двата јазика.
Контекст нуди курсеви по германски јазик за подготовка пред заминување.
Дали програмата е навистина бесплатна?
Да. Посредувањето е бесплатно за студентот. Надоместокот за услугата на Контекст го плаќа работодавачот. Личните трошоци (сместување, превоз, осигурување, евентуален превод) се наведуваат одделно во конкретната понуда.
Контекст работи во согласност со
IRIS стандардите за одговорно регрутирање, обезбедувајќи фер, транспарентна и законски усогласена постапка за секој кандидат.
Кој се грижи за сместувањето?
Контекст помага со насоки и контакти; студентот самостојно го резервира и плаќа сместувањето. Прикажаните околу 15–20 € дневно и евентуален депозит се ориентациони и зависат од понудата.
До кога треба да аплицирам?
Пријавите за лето 2027 се отвораат на 01.11.2026. Потоа пријавувањето трае до пополнување на местата.
Препорачуваме да аплицирате што порано по отворањето.
Може ли да работам повеќе од 90 дена?
Не — студентската работа е ограничена на најмногу 90 дена во период од 12 месеци, во официјалниот распуст и во рамките на потврдата од BA/ZAV. Ако сакате да работите подолго, постојат опциите за
краткорочна работа (KKB) или
долгорочно вработување преку Westbalkanregelung.
⚠️ Правило за престој 90/180 — одделно од ограничувањето за работа:
За краткорочен престој во Шенген зоната се бројат деновите во последните 180 дена (најмногу 90). Претходни туристички или приватни патувања во Шенген зоната може да го намалат дозволениот престој.
Важно: Доколку студентот веќе патувал или планира да патува во Шенген зона пред заминувањето на работа, задолжително треба навремено да ја информира агенцијата Контекст — за да се провери дали има доволно преостанати денови за целиот работен период.
Посредувањето е бесплатно
BIH
GER