Даночни класи во Германија — Steuerklassen: што значат за вашата плата?

Имате иста бруто-плата како колегата, а добивате различен нето-износ? Една од причините може да биде даночната класа — Steuerklasse.

Таа влијае врз износот на данокот на плата што работодавачот го задржува при пресметката. Даночната класа не е фиксен даночен процент: износот зависи и од висината на платата и од личните даночни податоци.

КОИ ДАНОЧНИ КЛАСИ ПОСТОЈАТ?

Класа I — 1 Вообичаено за невенчани, разведени и лица што трајно живеат одвоено од брачниот другар, како и за други лица што не ги исполнуваат условите за класа III или IV.

Класа II — 2 За самохрани родители што ги исполнуваат условите за посебното даночно олеснување. Самото тоа што имате дете не е доволно.

Класа III — 3 За брачни другари што ги исполнуваат законските услови, во комбинација со класа V за другиот партнер. Најчесто ја користи партнерот со повисоки приходи.

Класа IV — 4 Вообичаена комбинација IV/IV за брачни другари што ги исполнуваат условите. Често е соодветна кога приходите им се слични.

Класа V — 5 За едниот брачен другар кога другиот користи класа III.

Класа VI — 6 За второ и секое следно вработување што се одвива истовремено, кога платата се оданочува според даночна класа.

Ова е основен преглед. Распоредувањето зависи од законските услови и од личната состојба.

ШТО ЗНАЧИ IV СО ФАКТОР?

Брачните другари можат, ако ги исполнуваат условите, да изберат IV/IV со фактор. Финансиската служба го пресметува факторот според очекуваните приходи, за месечно задржаниот данок поблиску да одговара на очекуваниот годишен данок на парот.

ДАЛИ „ПОДОБРА КЛАСА“ ЗНАЧИ ПОМАЛ ГОДИШЕН ДАНОК?

Промената на класата сама по себе не го намалува конечниот годишен данок. Таа првенствено ја менува месечната задршка, а со тоа и нето-платата.

При годишната пресметка може да произлезе поврат или доплата. Кога двајцата брачни другари примаат плата и користат III/V, како и кај IV/IV со фактор, по правило постои обврска за поднесување годишна даночна пријава.

ВО БРАК СТЕ, А ПАРТНЕРОТ ЖИВЕЕ НАДВОР ОД ГЕРМАНИЈА?

Бракот не значи автоматско право на класа III. Се проверуваат даночниот статус, местото на живеење и применливите прекугранични правила. Не претпоставувајте дека истата класа што ја користи ваш познаник важи и за вас.

ИМАТЕ КЛАСА VI, А РАБОТИТЕ САМО КАЈ ЕДЕН РАБОТОДАВАЧ?

Побарајте проверка кај службата за пресметка на плати. Класа VI може да се примени и поради недостасувачки даночни податоци или проблем со електронските податоци за пресметка — ELStAM. Самото тоа што сте странски работник не е причина за класа VI.

ШТО ДА ПРОВЕРИТЕ?

• Која даночна класа е наведена на вашата платна листа. • Дали работодавачот го има вашиот даночен идентификациска број — Steuer-ID. • Дали правилно сте евидентирани кај главниот работодавач. • Дали вашите лични и семејни податоци се точни.

За исправка или промена обратете се до надлежната финансиска служба — Finanzamt. Соодветното барање може да се поднесе и преку Mein ELSTER.

Не ви е јасна даночната класа на платната листа или документацијата за промена? Обратете се кај Контекст за административна поддршка при организирање на документите и следните чекори. За индивидуална даночна процена и избор на најсоодветна комбинација, потребна е проверка кај Finanzamt или овластен даночен советник.